Хагдаҥ эһэ нэһилиэнньэлээх пууннарга тахсара ааспыт биэс сыл иһигэр 2,5 төгүл элбээбит. Ол туһунан Булт уонна булт ресурсатын харыстабылын департаменын салайааччыта Владимир Решетников кэпсээбит.
“Ааспыт биэс сыл иһигэр хагдаҥ эһэ дьон-сэргэ олорор сиригэр тахсара икки аҥаар төгүл элбээтэ. Бу сыл тохсунньутуттан атырдьах ыйыгар диэри нэһилиэктэр, улуустар дьаһалталара, сир баайын хостооччулар уонна биирдиилээн дьон эһэ көстүбүтүн туһунан 278 иһитиннэриини ыыттылар”, – диэн Владимир Решетников этэр.
Эһэ дьонноох-сэргэлээх сиргэ тахсар саамай элбэх түгэнэ Нерюнгрига, Ленскэйгэ, Мииринэйгэ, Өлүөхүмэҕэ, Аммаҕа, Бүлүүгэ, Мэҥэ Хаҥаласка уонна Горнайга бэлиэтэммит. Олортон 2026 сылга саамай элбэхтик эһэ Нерюнгрига биллибит – 27 түгэн.
Атырдьах ыйын 7 күнүнээҕи туругунан, Саха сиригэр барыта 521 хагдаҥ эһэни уодьуганныырга 278 быһаарыыны таһаарбыттар. 93 кыылы бултаабыттар.
