Былырыыҥҥыны кытта тэҥнээтэххэ, 2026 сылга Саха сиригэр кэлэр турист ахсаана кырата 16%-нан эбиллиэхтээх. Ол эбэтэр сыл устата өрөспүүбүлүкэбитигэр 330 тыһыынчаттан тахса киһи кэлэн барыахтаах.
“Быйыл Сахабыт сиригэр 16%-нан элбэх турист кэлэрэ күүтүллэр. Былырыын сыл устата 286 тыһыынча киһи кэлэн барбыта”, – диэн СӨ урбааҥҥа, эргиэҥҥэ уонна туризмҥа миниистирэ Георгий Андреев сырдатар.
Саха сиригэр туризм сайдыытын стратегиятын уонна “Туризм уонна ыалдьытымсах буолуу” национальнай бырайыагын ааҕыстахха, 2030 сылга өрөспүүбүлүкэбитигэр ыалдьыттыы кэлэн барар дьон ахсаана сылга 750 тыһыынчаҕа тиийиэхтээх.
Кыым.ру
Хаартыска: Якутия Инфо
