Бүгүн киин куорат Саахсатын дыбарыаһыгар Дьокуускай биир дьоһун ыала Анна Семеновна уонна Эдуард Иванович Ефремовтар бииргэ олорбуттара 60 сылын үөрүүлээх быһыыга-майгыга бэлиэтээтилэр.
Эдэркээн сүрэхтэр таптаһан, 1966 сыллаахха ыал буолбуттара.
Онтон ыла иэримэ дьиэни иччилээн, үс оҕону төрөтөн, хас биирдиилэрэ талан ылбыт идэлэринэн бэриниилээхтик үлэлээн, холобурга сылдьар ыал буоллулар. Анна Семеновна өр кэмҥэ куорат 1№-дээх поликлиникатыгар гинекология салаатын салайбыта, оттон Эдуард Иванович Эрэгийиэннээҕи Экэниэмикэ институгар үлэлээбитэ. Билигин кини саха былыргытын туһунан арамааннары суруйар биллэр ааптар. Бүгүҥҥү үөрүүлээх күннэригэр кинилэргэ “Дьиэ кэргэн килбиэнэ” (“Семейная доблесть”) үрдүк ааты анаатылар, анал бэлиэ туттардылар. Дьоһун-мааны ыалга саха алмааһын курдук доруобуйаны, дьолу-соргуну, саҥаттан саҥа арыйыылары уонна ситиһиилэри баҕарабыт! Сүүс сүүстэн өйөнсөн, чугас дьоҥҥут сылаас сыһыаннарыгар сууланан, тапталгытыгар бигэнэн өссө да өр кэмҥэ олоруҥ!
Бэй.кэр.
Хаартыска: Kyym.ru
