Бэҕэһээ, Арассыыйаҕа бобуулаах МЕТА тэрилтэ социальнай ситимигэр (бобууграмҥа), Дьокуускай к. урукку мээрэ Евгений Григорьев бэрт таайтарыылаах ис хоһоонноох бэлиэтээһини оҥорбут. Бу иннинэ кини өрдөөҕүтэ, 2022 сыл кулун тутар 5 күнүгэр, ситимҥэ киирэ сылдьыбыта көстөр. Онно Арассыыйаҕа биллэриллибит сааҥсыйалар тустарынан итиэннэ Дьокуускайга ол содулун сымнатарга туох үлэ-хамнас бара турарын сырдаппыт эбит.
“Доҕоттор, билэргит курдук, мин дьону кытта көрсүһэрбин, санаа атастаһарбын сөбүлүүбүн. Үлэлиирим тухары практическай уопуту бэрт элбэҕи мунньуннум. Онон ылбыт уопуппар олоҕуран, бэйэм билиибин-көрүүбүн дьоҥҥо үллэстиэхпин баҕарабын. Онно кылгас кууруһу бэлэмнээтим. Сэҥээриэ этигит дуо?” – диэн, олус таайтарыылаахтык суруйбут.
Бу суруйуутун номнуо тыһыынчанан киһи көрбүт. 1500 көрөөччү лайк туруорбут.
Kyym.ru.
Хаартыска: *Арассыыйаҕа бобуулаах META хампаанньа ситимиттэн.
