2024 сыл кулун тутар 7 күнүгэр саха чулуу уола, көҥүл тустууга 1972 сыллаах Олимпийскай оонньуулар чемпиона, 1976 сыллаах Олимпийскай оонньуулар үрүҥ көмүс призера, Аан дойду уонна Европа чемпиона, СССР алта төгүллээх кыайыылааҕа Роман Дмитриев төрөөбүтэ 75 сыла буолар.
Р.М. Дмитриев өрөспүүбүлүкэ социальнай-экономическай сайдыытыгар сүҥкэн кылааты киллэрбитэ.
От ыйын 17 күнүгэр СӨ бырабыыталыстыбатын бэрэссэдээтэлэ Владимир Солодов “Об организационном комитете по проведению юбилейных мероприятий, посвященных 75-летию со дня рождения первого Олимпийского чемпиона Республики Саха (Якутия) Романа Михайловича Дмитриева” диэн дьаһалга илии баттаата.
Үбүлүөйдээх тэрээһиннэри ыытыыга тэрийэр кэмитиэт састаабыгар ситэриилээх былаас уорганнарын, Р.М. Дмитриев аатын үйэтитэр уопсастыбаннай сэбиэт бэрэстэбиитэллэрэ, өрөспүүбүлүкэ бөдөҥ тэрилтэлэрин уонна түмсүүлэрин салайааччылара, уопсайа 27 киһи киирдэ. Бэрэссэдээтэлинэн СӨ бырабыыталыстыбатын бэрэссэдээтэлин солбуйааччы Ольга Балабкина буолла. Кэмитиэт бу сыл алтынньы 1 күнүгэр диэри сүрүн тэрээһиннэр былааннарын бигэргэтэргэ сорудах ылла. Бу туһунан СӨ успуорт министиэристибэтин пресс-сулууспата иһитиннэрэр.
Sportyakutia.ru
