“Саханефтегазсбыт” дириэктэрдэрин сэбиэтэ Виктор Лебедевы генеральнай дириэктэр дуоһунаһыгар бигэргэтэр туһунан быһаарыыны биир санаанан ылынна.
СӨ бырабыыталыстыбатын бэрэссэдээтэлин бастакы солбуйааччы Алексей Колодезников бу иһитиннэриини бигэргэтэр: ““Саханефтегазсбыт” дириэктэрдэрин сэбиэтэ алтынньы 10 күнүгэр буолбута. Санатар буоллахха, бу сыл кулун тутар ыйыттан “Саханефтегазсбыт” генеральнай дириэктэрин эбээһинэһин быстах кэмҥэ толоруу Виктор Лебедевка сүктэриллибитэ. Бу кылгас кэм устата тэрилтэ үпкэ уонна хаһаайыстыбаҕа сыһыаннаах үлэтэ үчүгэй көрдөрүүнү ситистэ. Ол курдук, бу сылга ньиэби таһыы былаана толору оҥоһуллубут. Онон сыл түмүгүнэн ыраас дохуоту ылыы күүтүллэр. Уопсайынан, “Саханефтегазсбыт” 2019 сыллаах үлэтин түмүгэ үчүгэйинэн сыаналанар”.
