Кулун тутар 18 күнүгэр Уус Алдан Мындаабатыгар олорор дьиэ кытарарга былдьаммыт. Умайа турар икки хостоох кыбартыыраттан оҕолору ыаллара – Эрхаан Сысолятин, Иннокентий Свинобоев, Владимир Оконешников быһаабыттар.
Хорсун эр дьон умайа турар дьиэ түннүгүнэн киирэн, хоско уолуйан, саһан олорор икки оҕону – Роберт Троевы (2016 с.т.) уонна Ваня Гуляевы (2012 с.т.) быһаабыттар. Үс хорсун эр бэртэрин түргэн-тарҕан, хорсун быһыыларынан, дьолго, ким да эмсэҕэлээбэтэ. Уолуйбут оҕолору быыһааһыҥҥа ыаллара Саргылаана Ильинична Аммосова эмиэ көмөлөспүт. “Ойуурдаах куобах охтубат” диэн маны этэн эрдэхтэрэ.
Билигин баһаар тахсыбыт төрүөтүн быһаараллар, иккис кыбартыыра быыһаммыт. Судаарыстыбаннай баһаарынай сулууспа билигин бу хорсун дьону “Дьону баһаартан быыһааһын иһин” наҕараадаҕа түһэрэргэ үлэлэһэр.
