Биһиги “Олесовтар аймах” диэн бассаапка бөлөхтөөпүт. Билигин дьиэҕэ олоруу, хаайтарыы кэмигэр бэйэ-бэйэбитин аралдьытар, бириэмэни туһалаахтык атаарар, чуҥкуйбат туһугар күрэх биллэрбиппит.
Ол курдук биллэр худуоһунньуктар хартыыналарын “тилиннэрэр” флешмоб оҥоруохха диэн сүбэлэспиппит. Дьэ, доҕоор аймахтарым креативнэйдэрин сөҕүөн сөхтүм. Чааһынай дьиэҕэ олорооччулар тугу барытын оҥоруох эбиттэр. Кыбартыыраҕа олорооччулар да хаалсыбаттар. Булугастара диибин диэн, уһун суһуох истиэнэҕэ сыһыарылынна, кырса тириитэ да көһүннэ. Сорох кырачааннар “чупа чупс” манньаҕа араастаан туттан-хаптан хаартыскаҕа түстүлэр.
Били, сылааһы күүтэн сүлүллүбэккэ булууска сыппыт ынах төбөтө кытта хостоммут. Ону сыалай ынах төбөтүн курдук түһэрээри эмиэ биир албас көстүбүт. Олох оруолларыгар киирэннэр фотошобу эҥин туһаммыттар. Дэриэбинэ туалета миэлиҥсэ буолан кубулуйбут. Хата, наһаа үчүгэй күрэх буолла. Дьонум худуоһунньуктар, хартыыналар туһунан элбэҕи биллибит диэн үөрэллэр. Бары олус астынныбыт. Күлүүлээх түгэннэри кэпсээннэр, бүгүнү быһа күлсэммит күммүтүн билбэккэ атаардыбыт. Оттон эһиги хайдах сэргэхсийэҕит?
Зоя Егоровна Тумусова
