Бэҕэһээ саҥа хоруона вируһунан ыалдьааччы ахсаана 3802 этэ. Бүгүн биир тыһыынчанан аҕыйаан, барыбытын үөртэ.
Суукка иһигэр өрөспүүбүлүкэ лабаратыарыйаларыгар 8856 саҥа хоруона вируһун булууга чинчийии оҥоһулунна. Хамсык саҕаланыаҕыттан, 2 031 248 тиэсти чинчийбиттэр.
Ордук элбэхтэ Дьокуускайга ыалдьыбыттар - 1364 киһи.
stopcovid19.sakha.gov.ru саайт көрдөрөрүнэн, киин куораппытыгар бүгүҥҥү туругунан, уопсайа 2643 киһи СOVID-19 ыалдьан балыыһаҕа киирбит. Оттон, федеральнай суһал ыстаап киинэ биллэрэринэн, ааспыт сууккаҕа, Дьокуускайга 211 киһи бу ыарыыга сутуллан, стационарга утаарыллыбыт. Өрөспүүбүлүкэтээҕи суһал ыстаап киинэ этэринэн, саҥа ыалдьыбыт дьонтон 95 киһи, олортон 21 оҕо балыыһаҕа киирбиттэр.
Биир күн иһигэр 2792 киһи үтүөрбүт, бу иннинээҕи сууккаҕа чөлүгэр түспүт киһи ахсаана 3210 эбит.
Быһыы (вакцина) бастакы компоненын 580 966 киһи ылбыт, бу нэһилиэнньэ улахан дьонун 81,0% ылар. Хаттаан быһыыны 132 392 киһи ылбыт, бу хаттаан ыллыахтаах дьон 55,0% ылар.
