Элбэх дьон көрө үөрэммит Елена Малышева «Жить здорово!» биэриитэ аны «Первэй» ханаалга тахсыбат буолла. Биэриини ютуб-ханаалга эрэ көрүөххэ сөп курдук, өскөтүн итиннэ хааччах киирбэтэҕинэ.
«Жить здорово!» билигин тахса турар таһаарыылара эрдэ уһуллубут «кэнсиэрбэлэр» эбиттэр. Ыытааччы аҕыйах таһаарыыны кулун тутар 30 күнүгэр диэри уһулан кэбиспит. Оттон кулун тутар 29 күнүгэр кини кэллиэгэлэригэр биэрии тохтотулларын туһунан биллэрбит. Үлэһиттэр, кылгас больдохтоох дуогабарынан үлэлиир буоланнар, үлэтэ суох хаалбыттар.
Малышева биэриитэ ханаал салалтата Украинаҕа буола турар дьайыы кэмигэр аралдьытар биэриилэри аҕыйатарга быһаарбытыттан тохтотуллубут. Билигин бу ханаалга үксүн иһитиннэрэр-сырдатар биэриилэр тахсаллар.
Сорох СМИ-лэр Малышева уурайыытын кини АХШ-га баар баайын-дуолун кытта ситимнииллэр.
Сонун төрдө: Baza телеграм ханаала
