Кытай национальнай ядернай хампаанньата Забайкалье кыраайыгар уран руднигын тутууга 16 млрд солк. инвестиция уган эрэр.
Бу суума бастакы транша, 2,5 млрд солк., субу күннэргэ киириэхтээх. Бу бырайыагы олоххо киллэрэр туһугар Кытай уонна Арассыыйа кыттыгас тэрилтэ эбэтэр салайар хампаанньа тэрийиэхтэрэ. Былаан быһыытынан, Стрельцовотааҕы уруудалаах хонууга баар Аргун уонна Жерловай диэн сирдэргэ рудник бастакы уочарата 2023 сылга үлэҕэ киириэҕэ. Бу бырайыактан Кытай 49 %-нын, ол эбэтэр сылга 600 туонна ураны, ылыахтаах.
Арассыыйа уонна Кытай эйэлээх атом эйгэтигэр кыттыһан үлэлээбиттэрэ балай эмэ буолбутун санатабыт. Ол курдук, кэнники саамай улахан бырайыагынан Тяньваньнааҕы АЭС ааҕыллар.
