Дойду тутаах тыа хаһаайыстыбатын министиэристибэтин нөҥүө “Тыа сирдэрин бигэтик сайыннарыы” тус сыаллаах федеральнай бырагырааманы олоххо киллэрии тэрээһиннэригэр анаан, өссө 476 мөл. 649 тыһ. солк. тахса үп эбии ананар буолбут. Ити аата, бу 2018 сылга уопсайа тустаах бырагыраама хос бырагырааматыгар уопсайа 1 245 257,9 тыһ. солк. туттуллуохтаах. Итинтэн Арассыыйа хааһынатыттан кыттыгас үбүлээһин быһыытынан кэлэр кээмэй – 891 227,1 тыһ. солк.
Ол эбэтэр, дойду бүттүүнүн үрдүнэн үгүөрү өйөбүл үбү ылан туһаныы чааһыгар Саха өрөспүүбүлүкэтэ иккис миэстэҕэ сылдьар. Оттон Уһук Илин эрэгийиэннэртэн – букатын инники күөҥҥэ.
Анаммыт үп тыа сиригэр өссө эбии 200 олорор дьиэни тутууга, нэһилиэктэр ыккардыларынааҕы гаас ситимин тардыыга, нэһилиэнньэлээх пууннары тупсарыыга, биэлсэр-акушер, уопсай быраактыка быраастарын пууннарын тутууга туһаныллыа. Ону тэҥэ тыа сирдэригэр социальнай уонна инженер инфраструктуратын оҥорууга тыырыллыа.
