Саха сиригэр хаарбах туруктаах дьиэни бүтүннүү суох оҥорууга 90 млрд солк. тахса үп эрэйиллэр. Бу туһунан бэҕэһээ бырабыыталыстыба мунньаҕар үп миниистирин эбээһинэһин толорооччу Денис Белозеров эттэ.
Билигин хаарбах дьиэ 40 %-на көһөрүллүбүт. 2018 сылга хаарбах дьиэттэн көһөрүү пилотнай бырайыагар өрөспүүбүлүкэ бүддьүөтүттэн 500 мөл. солк. көрүллүөҕэ. Бу харчыга 520 тыһ. кв. м. итэҕэһэ суох дьиэ тутуллуоҕа.
2013-2017 сылларга Саха сирэ хаарбах дьиэттэн көһөрүүгэ дойду үрдүнэн бастыҥнар кэккэлэригэр сылдьар. Белозеров “Биэс сыл иһигэр 43 улууска 29 тыһ. киһи 11 тыһ. хаарбах дьиэттэн көһөрүлүннэ. Ити – 490 тыһ. кв. м. Маныаха 29,6 млрд. солк. бараабыттар”, - диэтэ.
