Арассыыйа тырааныспарга министиэристибэтэ 2018-2020 сылларга дойду үрдүнэн 15 аэропорду, ол иһигэр Дьокуускай, Тиксии, Саккырыыр, Орто Халыма аэропортарын саҥалыы уларытан оҥорууга 23 млрд солк. биэриэҕэ.
Минтранс Дьокуускай, Хабаровскай, Благовещенскай, Магадаан, Норильскай, Улан-Удэ, Орто Халыма, Саккырыыр, Тиксии, Оссора, Зея, Бомнак, Экимчан, Улуу Устюг, Соловки аэропортарын аэродромнай инфраструктураларын саҥалыы уларытан оҥорууга 2018 сылга 4,3 млрд солк., 2019 сылга – 10,5 млрд солк., оттон 2020 сылга – 8,5 млрд солк. үбү көрүөҕэ.
Бу иннинэ Уһук Илин аэропортарын саҥардыыга Росавиация 2018 сылга 2,2 млрд солк. эрэ көрүллэрин эппитэ.
