АЛРОСА Үөһээ Муунатааҕы алмаастаах сири баһылыыр. Маныаха Үөһээ Муунаҕа диэри суолу тутарга анаан хампаанньа Уһук Илин сайдыытын министиэристибэтин кытары субсидия ыларга сөбүлэҥи түһэристэ. Хампаанньа дириэктэрдэрин Сэбиэтэ 2018-2020 сс. 8,5 млрд солк. субсидия ыларын быһаарда. Бу субсидия харчыта Удачнай куораттан Үөһээ Муунаҕа диэри массыына суолун тутууга туһаныллыаҕа.
АЛРОСА хампаанньа алмааһы көрдүүр, хостуур, оҥорон таһаарар уонна атыылыыр дьарыктаах. Алмааһы Саха сиригэр эрэ буолбакка, Архангельскай уобаласка эмиэ хостууллар. Хампаанньа акционердарынан Росимущество (33,2 %), Саха Өрөспүүбүлүкэтэ (25 %), Алмаастаах түөлбэ улуустара (8 %) буолаллар. Оттон көҥүл илиигэ 34 % аахсыйа сылдьар.
