Алтынньы 9 күнүгэр Аан дойду барыта Буоста күнүн бэлиэтиир. Бүгүн «Почта России» сүрүн дьиэтигэр ыҥырыылаах ыалдьыттар, сурутааччылар, Саха сиригэр тахсар хаһыат-сурунаал бэрэстэбиитэллэрэ үөрүүлээх күнү бэлиэтээтилэр. Санатан эттэххэ, алтынньы 4-14 күннэригэр дойду үрдүнэн ЧЭПЧЭТИИЛЭЭХ СУРУТУУ декадата саҕаламмыта. Ону таһынан, «Почта России» тэрийбит «Үтүө санаа маһа» аһымал ааксыйа чэрчитинэн, ким баҕалаах, оҕо дьиэтигэр, интэринээт-оскуолаҕа, кырдьаҕастар уонна бэтэрээннэр дьиэлэригэр сурунаал-хаһыат суруттарыан сөп.