Муҥха - саха төрүт үгэһэ. Биир үтүө, ылааҥы кыһыҥҥы күн, "Байанай" сурунаал дириэктэрэ Юрий Петрович Борисов салайааччылаах дьоҕус, аҕыйах хамаандалаах дьон, Хатас сиригэр муҥхалыы таҕыстыбыт. Күммүт сүрдээҕин туран биэрдэ. Өбүгэ төрүт дьарыгын эппитигэр-хаамытыгар илдьэ сылдьар урааҥхай сахалар, төһө да куоракка олордорбут, улуустарга баар биир хааннаахтарбыт бу күннэргэ саҕалаабыт атыыр муҥхаларыттан хаалсыбакка, хааммыт тардан бэйэбит ис санаабытыттан баҕаран туран муҥхаҕа таҕыстыбыт. Күөх Боллох олох матарбата. Дьиэҕэ биирдиитэ күөстэнэр сэмэй ирээппитин ыллыбыт. 
Ыраас ыһаары соботун кытары икки таас собото кэлбитэ - соччонон икки бүк үөрүүлээх түгэн буолла!
Саамай сүрүнэ - айылҕаҕа сылдьан дьоннуун-доҕоттордуун алтыһыы буоллаҕа.
