Ааспыт өрөбүллэргэ дойдубар Чурапчыга тахса сырыттым. Халлаан туруга сымнаан, күн тыган, тымныыта суох күннэр туран абыраатылар. Онон, ынах-сүөһүнү тутар аҕабын, Федор Коркины кытта тилэх баттаһан, ойбон алларыытыгар барса сырыттым. Үрүҥ күммүт чаҕылыччы тыгар, тулам олус кэрэ, салгыммыт ып-ыраас... Түргэн хаамыылаах аҕабын кэнниттэн сүүрэ былаастаан сырсан истим уонна хаартыскаҕа түһэртээтим.
«Кыым.ру» саайка, аҕам Федор Коркин ойбон алларыытын көрдөрөөрү, фоторепортаж гынан таһаарабын.
Ойбоммут баар сирэ тэйиччи. Киһи син балачча хаамар. Бу уулусса бүтүөр диэри хаамабыт.
Уулуссабытын ааһан баран уҥа диэки массыына суолунан салайабыт. Иннибитигэр Чурапчы эбэтэ нэлэйэр. Онно тиийиэхтээхпит.
Икки туттар тэрилин хаар анныттан хостуур (хата наһаа үчүгэйдик кистээн уурбут эбит).
Сыстан хаалбыт мууһу илдьэ сылдьар быһыччатынан ыраастыыр.
Бэҕэһээҥҥиттэн тоҥмут ойбону тэһэр. Төһө даҕаны мууһа чараас буоллар сылаалаах эбит.
Муустарын ыраастыыр. Мин баһарга көмөлөспүтүм. Киһи син өр ыраастыыр эбит ээ. Бүтэн испэтэхтэрин, тахса тураллар.
Аны саҥа сиргэ ойбон алларар. Ол оннутун бастаан ыраастыыр.
Саҥа миэстэҕэ ойбон алларыыта олус сылаалаах үлэ. Киһи ыксаабакка, ыгылыйбакка, наһаа күүһүмсүйбэккэ оргууй тэһиэхтээх. Аҕам бу туран тохтоон ылар, кыратык сынньанар.
Салгыы тэһэр.
Оттон эмиэ муустарын баһар.
Аныгы киһи сиэринэн төлөпүөнүн илдьэ сылдьар. Ким эрэ эрийэр.
Мууһу баһар сүүр күрдьэх.
Аара лааппыга сырыттыбыт уонна бу быһалыыр кыбыычааммытынан дьиэбитигэр бардыбыт.