Муус устар 8 күнүгэр «Куруһаала» атыы-эргиэн эрээтигэр үбүлүөйдээх ыһыахха бэлэмнэнии чэрчитинэн үгэс буолбут өрөспүүбүлүкэтээҕи «Ыhыаҕым саргылаах таҥаhа, кэскиллээх киэргэлэ» быыстапка-дьаарбаҥка саҕаланна.
Урут тэрээһин Туймаада Ыһыаҕын» иннинэ ыытыллар эбит буоллаҕына, быйыл төһө эмэ эрдэлээтэ. Онон киин куорат олохтоохторо уонна ыалдьыттара муус устар 10 күнүгэр диэри быыстапка-дьаарбаҥкаҕа тиийэн ыһыахтыыр таҥас-сап, киэргэл-симэх, туттар мал-сал, сэп-сэбиргэл атыылаһар эбэтэр сакаастыыр кыахтаннылар. Ол курдук, манна саха сүрэҕэ баҕарбыта барыта баар.
СӨ Атыыга-эргиэҥҥэ, бырамыысаланнаска палаататын бэрэсидьиэнэ Марина Богословская быыстапка-дьаарбаҥка аһыллыытыгар кыттааччылары эҕэрдэлээтэ уонна тэрээһин сүрүн түгэнинэн Саха АССР тэриллибитэ 100 сылыгар уонна Ийэ сылыгар аналлаах халадаайдаах 100 дьахтар тахсыыта буолуо диэн иһитиннэрдэ.
Маны таһынан, быыстапка-дьаарбаҥкаҕа «Симэх» национальнай киин «Соргyтyy - Возрождение» айар сойууһун биһирэмэ, саха таҥаһын уонна киэргэлин сценаҕа тахсан көрдөрүү, ФАПК «СахаБулт» АО иһинэн тэриллибит «Чэпчэки бырамыысаланнас кластерын» моделларын биһирэмэ уонна купуоннарынан сүүйүүлээх оонньуу буолуохтара.
Быытсапка-дьаарбаҥкаттан фоторепортаһы көрүҥ.
Тэрийээччилэр - «Дьокуускай куорат» куораттааҕы уокурук дьаһалтата уонна СӨ Атыыга-эргиэҥҥэ, бырамыысаланнаска палатата.
Cонун төрдө, хаартыска ааптара: https://yakutia24.ru
