Экчи 50 сыл анараа өттүгэр, 1972 сыл муус устар 21 күнүгэр, Сэбиэскэй Сойууска киэҥник биллибит, Саха сирин хореографиятын сайдыытыгар төһүү буолбут «Сарыал» ырыа уонна үҥкүү норуодунай ансаамбыла маҥнайгы кэнсиэрин көрдөрбүтэ. Оттон сарсын муус устар 22 күнүгэр Дьокуускай куорат Юрий Гагарин аатынан Култуура уонна Ускуустуба киинигэр ансаамбыл маҥнайгы кэнсиэрин үйэ аҥаардаах үбүлүөйэ буолуоҕа.
Аан дойду ыччатын сүрэҕин туппут ансаамбыл уһулуччу устуоруйатын бу сэдэх фотохроника кэпсиэҕэ. Саһарбыт хаартыскалары сөҕө-махтайа көрүҥ, сэбиэскэй кэм кэрэтин санаан астыныҥ-дуоһуйуҥ.
Ломако Александр Иванович, ансаамбылы төрүттээччи, 1970 c. Дьокуускайдааҕы ситэриилээх кэмитиэт Култуура отделын сэбиэдиссэйэ
1972 c. муус устар 21 күнүнээҕи аан маҥнайгы кэнсиэр бырагыраамата
САССР 50 сылыгар анаан икки сыл устата бэлэмнэммит бастакы кэнсиэр түгэнэ
Ансаамбыл бастакы үҥкүүһүттэрэ – СГУ устудьуоннара А.И. Ломаконы кытта аан маҥнайгы кэнсиэр кэнниттэн. 1972 c.
Ансаамбыл хуора уонна аркыастыра саха тэлэбиидэнньэтигэр уһуллар. 1973 с.
Мэҥэ Хаҥалас оройуонугар Бүтэйдээх-Алтан маршрутунан гастроллуу барыы. 1976 c. тохсунньута
Бүтэйдээххэ гастрол быыһыгар көр-күлүү. Салаасканы соһооччу - Афанасий Дьяконов
Алтан кулуубун сценатыгар молдавскай үҥкүү
Бастакы бүтүн сойуустааҕы үлэһиттэр уус-уран көрүүлэрин өрөспүүбүлүкэтээҕи туурун кыттыылаахтара. Культпросвет училищетын устудьуоннара «Сарыал» ансаамбылга киирбиттэрэ
Билиҥҥи «Туймаада» стадион оннугар турбут "Спартак" стадиоҥҥа I-гы Бүтүн сойуустааҕы үлэһиттэр уус-уран көрүүлэрин өрөспүүбүлүкэтээҕи туурун үөрүүлээхтик аһыыга бэлэмнэнии кэмигэр. 1976 c. бэс ыйа
Магадаҥҥа ыытыллыбыт I-гы Бүтүн сойуустааҕы үлэһиттэр уус-уран көрүүлэрин лауреаттара . 1976 c. сэтинньитэ
РСФСР-га I-гы Бүтүн сойуустааҕы үлэһиттэр уус-уран көрүүлэрин лауреаттарын Кириэмиллээҕи сийиэстэр дыбарыастарыгар түмүк кэнсиэрин кыттыылаахтара Дьокуускайдааҕы култуура отделын сэбиэдиссэйэ Валентин Филоретович Слепцову кытта. 1977 c. ыам ыйа
РСФСР-га I-гы бүтүн сойуустааҕы үлэһиттэр уус-уран көрүүлэрин лауреаттарын Кириэмиллээҕи сийиэстэр дыбарыастарыгар түмүк кэнсиэр түгэнэ.«Һээдьэ» үҥкүү, Ангелина Лукина туруоруута
Үҥкүүһүт кыргыттар Рита Данилова, Валя Федореева, Лена Баишева, Марфа Аввакумова Кыһыл болуоссат устун хаамаллар. Профессиональнай фотограф түһэриитэ
«Cарыал» ансаамбыл «Огонек» сурунаалга
Ленинград куоракка ыытыллыбыт Венгрия уонна Сэбиэскэй Сойуус ыччаттарын III-c Аан дойдутааҕы бэстибээлэ. «Сарыал» кыттыылаахтара Грузия «Мзиури» оҕо ансаамбылын кытта Петергофка. Оҕолор ортолоругар Тамара Гвердцители баар буолуохтаах
ССРС киин тэлэбиидэнньэтин «Шире» круг диэн саҥа дьыллааҕы биэриитигэр уһуллуу. Москуба «Шаболовка» устуудьуйатыгар норуодунай артыыс Юрий Никулинныын
Москуба «Шаболовка» устуудьуйатыгар репетиция быыһыгар
"Шире круг" биэриигэ уһуллуу түгэнэ
Панамаҕа ЫБЛКСС 60 сааһыгар аналлаах сэбиэскэй ыччат фотовыставкатын аһыллыытын култуурунай программатыгар кыттаары айаннаан иһэн Амстердамҥа
Панама Сан-Блас арыыларыгар. 1978 cэтинньитэ
Уһаабыт айан кэмигэр сөтүө. Ортоку - балерина Наталья Христофорова
Арыыга олорор индеецтэр кварталларыгар. Үҥкүүһүт Петр Кондаков
Германия Карл-Маркс-Штадт куоратыгар Аан дойдутааҕы ыччат доҕордоһуутун V-c бэстибээлин (ГДР-СССР) афишата
Германия Карл-Маркс-Штадт куоратыгар Аан дойдутааҕы ыччат доҕордоһуутун V-c бэстибээлин (ГДР-СССР) үөрүүлээх аһыллыытын түгэнэ
Саха сирин дэлэгээссийэтэ бэстибээл үөрүүлээх аһыллыытыгар киирэн иһэр
ССРС саҕана киэҥник биллибит ырыаһыт, артыыс, киинэ режиссера, уопсастыбаннай диэйэтэл Дин Рид бэстибээл кыттыылаахтарыгар ыллыыр
XII-с Олимпийскай оонньуулары арыйар бырагыраама. Москуба к.,1980 c.
Олимпиада кыттыылаахтара Кыһыл болуоссакка
САССР ускуустубатын уонна литэрэтиирэтин күннэригэр кытта Москубаҕа көтүөх иннинэ. 1982 с.
Новосибирскай куорат "Толмачево" аэропордугар
ССРС үтүөлээх артыыһа Маргарита Суворова автограф биэрэр. Ульяновскайга айанныах иннинэ. 1982 с.
Саха сирин Госансаамбылын солистката Лена Ноговицинаны уонна Дмитрий Харлампьевы кытта. Ортоку Афанасий Дьяконов турар. Москуба к., 1982 c.
Турция Самсун куоратыгар Аан дойдутааҕы фольклор бэстибээлигэр. 1982 c.
Ансаамбыл солистката Фаина Лебедева турок ырыатын үөрэтэ турар
ВДНХ сценатыгар "Русская зима" бырааһынньык. "Олень-мой друг" үҥкүү. 1983 с. тохсунньута
Польшаҕа Улуу Кыайыы 40 сылын бэлиэтиир тэрээһиннэргэ. Ортоку ансаамбыл салайааччыта Любовь Никитина турар
Москубаҕа Аан дойдутааҕы ыччат бэстибээлигэр кытта барыы оннугар Өлүөнэ устун турне. 1985 с. от ыйа
Репетиция үгэнэ
Любовь Алексеевна иитээччилэрин кытта
Биһигини үҥкүү холбообута
