Ороһуоспа диэн христиан итэҕэлигэр Иисус Христос төрөөhүнүн бэлиэтиир күн.  Григориан халандаарынан,ахсынньы 25 күнүгэр ылыллар. Оттон Юлиан халандаарынан, сорох илин христиан таҥара дьиэлэрэ Ороhуоспаны тохсунньу 7 бэлиэтииллэр.

Ороhуоспа төрүкү христиан бэлиэ күнэ эрээри, билигин аан дойдуга барытыгар киэҥник бэлиэтэнэр, христиан буолбатах да дьон эмиэ сөбүлээн бэлиэтииллэр.

Ороhуоспа биллэр үгэстэрэ: дьон бэйэ бэйэлэригэр бэлэх бэрсэллэр (оҕолорго бэлэхтэри Санта Клаус аҕалар), эҕэрдэлээх хаарталарынан атастаhаллар, таҥара дьиэтигэр сылдьаллар, уруу-аймах дьон бииргэ мусталлар, ас астыыллар, ороhуоспа маhын киэргэтэллэр, дьиэ иhигэр уонна таhырдьа уоттары уонна гирляндалары ыйыыллар.

Биһиги эрабыт саҥа саҕаланыыта, ыраахтааҕы Давид удьуора, омугунан иудей Иосиф диэн киһи кэргэнинээн, кэлин сибэтиэй буолбут Мариялыын Назареттан Вифлеемҥа барбыттара. Тоҕо диэтэр, империя хас биирдии олохтооҕо «бэйэтин куоратыгар» көһүөхтээх этэ. Манна өр да өр өсүөлүнэн айаннаан кэлэн баран, хонор дьиэҕэ миэстэ суоҕуттан, сүөһү хорҕойор хотонун быһыытынан туһаныллыбыт хаспахха хонорго күһэллибиттэр.

Иисус ол хотоҥҥо төрөөбүтүн кэннэ, аанньал илдьититтэн билэннэр, маныыһыттар бастакынан киниэхэ сүгүрүйэ кэлбиттэрэ. Матфей евангелиета кэпсииринэн, халлааҥҥа дьикти сулус көстүбүт. Кинилэр бэлэх — кыһыл, ладан уонна смирнаны биэрбиттэрэ.

Мессия төрөөбүтүн билэн, Иудейдар ыраахтааҕылара Ирод кинини өлөртөрөр туһуттан, ити дойдуга икки сааһыгар диэри саастаах оҕолору барыларын суох оҥорорго уураах таһаарбыта. Христос аҕатыгар Иосифка аанньал түүлүгэр кэлэн сэрэтэн, кинилэр дьиэ кэргэнинээн Ирод өлүөр диэри Египеккэ куоталлар.