Дьокуускай куоракка кулун тутар 30 уонна 31 күннэригэр, Оҕо Дыбарыаhыгар Саха КВН оскуола оҕолорун 18-с ооньууларын финала тэрилиннэ. Манна уопсайа өрөспүүбүлүкэ 11 хамаандата кытынна: Сунтаар, Үөһээ Бүлүү, Бүлүү, Горнай, Нам, Таатта, Дьокуускай, Амма, Мэҥэ Хаҥалас уонна Чурапчы улуустарыттан.
1 миэстэ — "Муммуттар" Бүлүү Халбаакытын орто оскуолата (сал. Г.В. Иннокентьев), 2-с миэстэ —"Ыччуу-ычча" Үөһээ Бүлүү П.Н.Тобуроков аатынан сынньалаҥ кииниттэн (салайааччы В.П. Герасимов), 3-с миэстэ — Таатта улууһун "Ситик" оҕо айымньытын киинин хамаандата ( сал. М.Д. Алексеева).
Сунтаар улууһуттан Сунтаардааҕы гимназия хомуур хамаандата "Дьүкээбил уота" (салайааччы Филиппов Алексей Андреевич) аан бастакытын кытынна. Кинилэр Саха КВН финалыгар таҕыстылар. Сунтаардааҕы гимназия аатыттан 8 уол кытынна. 11 хамаандаттан 7-с миэстэҕэ тиксэн, "Бастыҥ көрүдьүөс" анал ааты ыллылар.
