Муус устар 14 күнүгэр Сунтаар Кириэстээҕэр ытык кырдьаҕастар – 80 саастаах оҕонньоттор – муода көрдөрбүттэр.
Муоданы көрдөрүү нэһилиэккэ ыытыллар бэстибээл чэрчитинэн ыытыллыбыт. Кинилэр эдэр эрдэҕинээҕилэрин санаан, 60-70 сс. таҥаһы-сабы кэтэн көрөрдүлэр. Бу сыллар тухары оччотооҕу таҥас хараллан сыппыт. Муодаһыттар сэбиэскэй кэмнээҕи плащ, ачыкы, сэлээппэ кэтэн хаамтылар. Бу тэрээһиҥҥэ анаан-минээн киэһэ ахсын репетицияламмыттар. Муоданы көрдөрөөччүлэртэн саамай аҕа саастаахтара – 81 саастаах Василий Иванович уонна 80 саастаах Аафанасий Афанасьевич Афанасьев. Бэрт сэргэх тэрээһини олохтоох кулууп ыыппыт.