Төрөөбүт тыл уонна сурук-бичик күнүн көрсө олунньу 10 күнүгэр Дьокуускайга аан бастакытын дьүкээгир тылынан уопсай диктант ыытылынна. Тэрээһин ХИФУ Арассыыйа хотугулуу-илиҥҥи норуоттарын тылларын уонна култуураларын институтугар ыытылынна.
Уопсай диктаны 9 киһи суруйбут. Диктант тиэксэ дьүкээгир суруйааччыта Гаврил Николаевич Курилов-Улуруо Адо “Юко кэпсээннэрэ” айымньытыттан ылыллыбыт. Уопсай диктант түмүгүнэн бары “үчүгэй” сыананы ылбыттар. Барыларыттан таһыччы билиилээхтэрин Самона Николаевна уонна Олерина Атласова көрдөрбүттэр.
Бу аахсыйаны “Языковое гнездо юкагиров” уонна “Айылгы” оҕону сайыннарыы киинэ кыттыһан ыыппыттар. Маннык тэрээһин умнуллан эрэр тылы харыстыырга уонна сайыннарыыга сүҥкэн суолталаах. Диктаны араас саастаах дьон суруйда. Ол иһигэр 11 саастаах үөрэнээччи. Ордук устудьуоннар уонна оскуола үөрэнээччилэрэ кыттыбыттара кэрэхсэбиллээх. Ыччат төрөөбүт тылын үөрэтэргэ дьулуурдааҕа олус үчүгэй.
