Киин куорат 13 оскуолатын 34 кылааһыгар, итиэннэ 3 дьыссаат бөлөҕөр үөрэх хаамыыта тохтоото. Бу туһунан Дьокуускай куорат үөрэххэ управлениета иһитиннэрэр.
Дьаҥтан (ОРВИ) сылтаан үөрэх куорат 3-с №-дээх оскуолатын 4 кылааһыгар тохтоото, быстах кэмҥэ 32-с уонна 22-с №-дээх оскуолаларга иккилии кылаас уонна Национальнай гимназияҕа карантин биллэрилиннэ. Ягнг, 12-с, 19-с, 29-с №-дээх оскуолаларга үстүү кылаас карантиҥҥа барда. Биирдии кылаас 5-с №-дээх оскуолаҕа, куорат классическай гимназиятыгар, Саха гимназиятыгар уонна Каха-Корейскай оскуолаҕа сабылыннылар. Саамай элбэх оҕо 38-с №-дээх оскуолаҕа тумуулаабыт, онно 7 кылаас быстах кэмҥэ сабыллан турар.
Санатар буоллахха, оскуолаларга уонна оҕо саадтарыгар оҕо уопсай ахсааныттан 20% оҕо ыарыйдаҕына карантин биллэриллэр. Билигин бу көрдөрүү оскуолаларга 7%, оттон оҕо саадтарыгар оннооҕор кыра.
Kyym.ru
