Гааска саҥа абоненнары холбуур уонна киин куорат олохтоохторун гааһынан хааччылыылара куттала суох буолуутун туһугар, гаас ситимнэригэр үлэлэр ыытыллыахтара. «Сахатранснефтегаз» Дьокуускай куорат олохтоохторун үлэ ыытылларын кэмигэр тулуурдаах буоларгытын ыҥырар.
Ыам ыйын 30 күнүн сарсыарда 08.00 чааһыттан, бэс ыйын 2 күнүн 20.00 ч. диэри, Каландаришвили уулуссатыгар баар, намыһах дабылыанньалаах эргэ гаас турбатын үһүс кэрдиис саҥардар үлэтэ ыытылларын иһин, Белинскэй-Каландаришвили суолларын быһа охсуһуулара сабыллыа.
Оттон бэс ыйын 2 күнүн 08:00 ч. бэс ыйын 3 күнүн киэһэ 23:00 ч. диэри, Каландаришвили-Белинскэй быһа охсуһуутуттан Каландаришвили 14-с дьиэтигэр диэри үлэ ыытыллыаҕа.
Ыам ыйын 30 күнүттэн бэс ыйын 12 күнүгэр диэри, Покровскай шоссетыгар баар Иванов переулогыттан 8 км Иванов переулогын 3-с дьиэтигэр диэри намыһах дабылыанньалаах гаас турбатын уларытар үлэ барарын иһин, массыына суола сабыллыаҕа.
Ыам ыйын 30 күнүттэн бэс ыйын 12-р диэри Зарница уулуусатыгар баар Зарница учаастагыттан Степная уулусса 105/3 дьиэтигэр диэри массыына суола сабыллыаҕа. Бу оройуоҥҥа суолу сабыы биричиинэтинэн эмиэ гаас ситимин тардыы үлэтин ыытыы буолар. Суоппардары эрдэттэн айанныыр морсурууккутун, хайдах гынан бу сабыллыбыт учаастактары тумнаргытын толкуйданыҥ диэн ыҥыраллар. Тутуу-монтаж үлэтэ ыытыллар кэмигэр сэрэхтээх буолуҥ, оҕолору үчүгэйдик көрө-истэ сылдьыҥ диэн этэллэр.
"Сахатранснефтегаз" АУо пресс-сулууспата сырдатыытыттан
