Киир

Киир

Erid: 2SDnjc2xd2q

         Кэлин олохпут тэтимэ өссө түргэтээн хас биирдии киһи доруобуйатыгар улахан болҕомтону уурарара – кэм ирдэбилэ. Уһун үйэлэнэр туһугар кэмиттэн-кэмигэр мэдиссиинэ бэрэбиэркэтин ааһар наадалааҕын бары өйдүүбүт. Онно эһиэхэ “Виктори Клиник” килииньикэ көмө буолуоҕа. 2005 с. төрүттэниэҕиттэн сайдыы суолун тутуһан, билигин Саха сирин биир саамай бөдөҥ, аныгылыы технологияны баһылаабыт, араас хайысхаҕа өҥөнү оҥорор мэдиссиинэ киинэ буолла.
         Бүгүн ааҕааччыларбытыгар анаан “Виктори Клиник” килииньикэ оҥорор өҥөлөрүттэн сырдатабыт. Туһаныаххыт диэн эрэнэбит.
 
 
“ТОТАЛ БОДИ МРТ” ЭТИ-СИИНИ БҮТҮННҮҮ КУРДАТ СКРИННЭЭН КӨРӨР
 
 AnyConv.com Улахан киьи чек ап 1
       
  Доруобуйа туругун кэтээн көрөр биир сүрүн ньыма аан дойдуга киэҥник биллибит “Тотал Боди МРТ” чинчийии буолар.
 “Тотал Боди МРТ” чинчийии диэн киһи этин-сиинин бүтүннүү курдат скриннээн көрүү ааттанар. Чинчийэр киһи этигэр-сиинигэр туох уларыйыы буола турарын сиһилии көрөр, киһиэхэ баарын биллэрэ илик эбэтэр биллэрбэккэ кистэнэ сылдьар ыарыыны булар. Ол түмүгэр ыарыыны уһаппакка, киэҥник тарҕаппакка эрэ эмтиэххэ сөп. Маны таһынан искэн ыарыыны эрдэ буларга, көрүҥүн быһаарарга улахан туһалаах.
         Киһи этин-сиинин бүтүннүү курдат скриннээн көрөр МРТ-ны биһиги өрөспүүбүлүкэбитигэр “Виктори Клиник” эрэ оҥорор. Манна, бастатан туран, АХШ, Кэриэйэ, Япония бастыҥ эмтиир кииннэригэр бигэргэммит сканирование саҥа боротокуолларын туһаналлар. Итилэри бэйэлэрэ тобулбут саҥа ньымаларынан тупсараллар, мэлдьи сайыннара тураллар. Иккиһинэн, киһи тобугун сүһүөҕэр диэри этин-сиинин толору ойуутун түһэрэллэр. Үсүһүнэн, киэҥ-куоҥ диагностика импэрмээссийэтин биэрэллэр. Чинчийии 1,5 тыһ. ойууну түһэрэр кыахтаах.
Хайдах барарый? Пациены МРТ-аппараакка киллэрэллэр. Холкутук сытаҕын, бэл, нуктаан ылыахха сөп. Төбөттөн тобук сүһүөҕэр диэри түһэрэллэр: мэйиини, ис уорганнары уонна аччыгый тааһы барытын сирийэн көрөллөр, киэҥ сыанабылы суруйаллар. Чинчийии ортотунан 2 чаас барар (аҥкыатаны толоруу, таҥаһы уһулуу-кэтии, аппараакка киирии бу кэмҥэ киирэр).
Боротокуолга быраас ханнык исписэлиистэргэ көрдөрөр, ханнык уоргаҥҥа, эт-сиин чааһыгар сиһилии чинчийии, көрүү-истии наадатын быһааран суруйар. Саамай сүрүнэ, “Тотал Боди МРТ” чинчийии дьоҥҥо сарсыҥҥы күҥҥэ эрэли, уоскулаҥы биэрэр. Ыарыы туһунан санаабакка эрэ уһун-киэҥ былааны оҥосторго, толору олоҕунан олорорго кыаҕы үөскэтэр.
 
 
“OLYMPUS” ЭНДОСКОПИЯ БААР!
 
1 1 1 1 1 1 1 1 1 1 1 1 1
 
 
         “OLYMPUS” хампаанньа хаачыстыбалаах, күүстээх кыамталаах, аныгы үрдүк технологиялаах эндоскоптары оҥорор. 1919 с. Японияҕа тэриллиэҕиттэн аан дойду үрдүнэн киэҥник биллэр оптическай, цифровой тэриллэри оҥорор, сүүстэн тахса сыл устата бу эйгэҕэ баһылыыр-көһүлүүр миэстэни ылар. Чинчийиини чуолкайдык оҥорорун иһин эндоскопист-быраастар эрэллэрин ылыан ылар.
“OLYMPUS” хампаанньа оҥорон таһаарбыт эндоскоптара “Виктори Клиник” килииньикэҕэ бааллар! Дьоппуон эндоскопията туох көдьүүстээҕий? Бу чинчийии туһааннаах сиргэ буола турар уларыйыылары барытын сиһилии көрдөрөр. Диагностикалыырын таһынан эмтиир кыахтаах. Эндоскоп төбөтүгэр линза, сырдыгы билэр элэмиэн, сырдатан биэрэр уонна манипулятордарга аналлаах ханаал баар. Подсветка чинчийиигэ мэһэй буолуон сөп эбии күлүгү түһэрбэт. Манипулятор иһинэн эндоскоп сылаангата барар. Балар убаҕаһы оборор кыахтаахтар. Диагностиканы таһынан “OLYMPUS” күүстээх кыамталаах аппарааттара биопсияны ылар кыахтаахтар, бэл, полиптары (ис уоргаҥҥа үүнэр эти) быһыахха сөп. Норкуостаах да, норкуоһа суох да оҥороллор.
Куртаххыт-оһоҕоскут ыалдьар буоллаҕына, уһата барбакка “Виктори Клиник” эрийэн, гастроэнтерология, колоноскопия хайысхатыгар дириҥник көрөн доруобуйаны чинчийэр “OLYMPUS” эндоскопия бороссодууратыгар суруйтарыҥ!
 
 
ГЕМОРРОЙ ЫАРЫЫТТАН 15 МҮНҮҮТЭНЭН БОСХОЛОНУҤ
 
AnyConv.com Эндоскопия 1
 
 
“Виктори Клиник” нэһилиэнньэ доруобуйатын харыстыыр сыаллаах өссө биир олус туһалаах өҥөнү оҥорор. Кэлиҥҥи кэмҥэ геморрой ыарыытыттан олус элбэх киһи эрэйдэнэр буолла. Кыбыстан эбэтэр улахаҥҥа уурбакка сылы-сыллаан көрдөрүммэккэ сылдьаннар, баалатан кэбиһэллэр. Бу кыһалҕаны быһаарар сыалтан “Виктори Клиник” лазернай эмтэнии (вапоризация) ньыматын киллэрбитэ.
Килииньикэҕэ ыарыы маҥнайгы, иккис стадиятыгар лазернай аппарааты туһанан вапоризация эпэрээссийэтин, оттон үһүс, төрдүс стадияларга лифтиннээх дезартеризация эпэрээссийэтин оҥороллор.
Вапоризация эпэрээссийэтэ хайдах барарый? Көнө оһоҕоско датчик киллэрэллэр. Лазеры эмсэҕэлээбит тымырга даҕайаллар. Лазернай аппараат үрдүк технологиянан оҥоһуллубут буолан киһи этигэр-сиинигэр охсууну оҥорбот, ыарыыта суох (тымыры быһан ылыы курдук буолбатах), чэри хаалларбат. Киһи түргэнник чөлүгэр түһэр.
Эпэрээссийэ 10-15 мүнүүтэ барар. Анестезиолог тымырга укуоллаан норкуостуур. 15 мүнүүтэ утутар чэпчэки норкуоһу биэрэллэр. Эпэрээссийэ кэннэ пациент икки чааһынан туруон, хаамыан сөп, биир күн килииньикэҕэ хонон турар. Этэҥҥэ буоллаҕына, дьиэтигэр тахсар уонна икки нэдиэлэ устата ыараханы көтөҕөрө көҥүллэммэт. Геморройу лазерынан эмтээһин аан дойду үрдүнэн киэҥник тарҕаммыт, үгүстүк туттуллар, чахчы туһалааҕа дакаастаммыт, саамай көдьүүстээх ньыма буолар.
Киһи олоҕун хаачыстыбатын мөлтөтөр ыарыыттан өр кэмҥэ эбэтэр букатыннаахтык босхолонорго “Виктори Клиник” аныгылыы технологиялаах аппараатынан эмтээн көмөлөһүөҕэ.
 
 

Мэдэссиинэ үлэһитин күнүн көрсө МРТ киин “Кыым” хаһыат ааҕааччыларыгар чэпчэтиилээх сыананы бэс ыйын 30 күнүгэр диэри биллэрэр! “Тотал боди МРТ” түүҥҥү өттүгэр – 21 490 солк. (чэпчэтиитэ суох  сыаната – 33 200 солк.), күнүһүн – 25 990 солк. (33 200 солк.).

 
“VICTORY BABY” – ОҔО ДОРУОБУЙАТЫН ТУҺУГАР
(CHECK-UP КЭТЭЭН КӨРҮҮ)
 
Ого чек ап 1
 
 
         Оҕо доруобай улаатарын туһугар иҥэмтэлээхтик аһыахтаах, тапталга угуттанан улаатыахтаах, ону таһынан уопуттаах быраастар көрүүлэригэр сылдьыахтаах. Оҕолоргут доруобуйалара чэгиэн буоларын, эттэрэ-сииннэрэ, толкуйдуур дьоҕурдара саастарыгар дьүөрэлии сөпкө сайдарын туһугар “Victory Baby” бырагыраама “Check-up” кэлимник чинчийэр ньыматын туһаныҥ.
         “Check-up” кэтээн көрүү туох уратылааҕый? Доруобуйа уопсай туругун биир кэлимник көрөн чинчийэр, араас диагностиканы оҥорор. Уһун уочаракка олорбокко, төттөрү-таары барбакка-кэлбэккэ эрэ кылгас кэм иһигэр удамыр төлөбүргэ оҕо этин-сиинин, ис уорганын бүтүннүү хабан бэрэбиэркэлэтэр кыахтанаҕыт.
         Бырагырааманы атыыластаххытына:
– 2-3 күн иһигэр киэҥ диагностиканы ааһаҕыт;
– “Доруобуйа пааспарын” ылаҕыт: диагноз, хайдах эмтэнэр, эрэкэмэндээссийэ суруллар;
– “пакетнай” этии буолан сыаната удамыр;
– табыгастаах сиэрбис, администратор ыйан-кэрдэн сүбэлиир, арыаллыыр.
Бэлиэтээн эттэххэ, “Check-up” бары бырагырааматын уопуттаах быраастар оҕо тус сааһын учуоттаан оҥорбуттара. Бырагыраама өҥөтүнэн туһаннаххытына, педиатр, чопчу хайысхаҕа үлэлиир быраастар көрүүлэрин, лабаратыарыйа, инструментальнай чинчийиини, функциональнай диагностиканы ааһар кыахтанаҕыт.
         Төрөппүт саамай улахан дьоло – оҕото доруобай буолара, этэҥҥэ сылдьара.
Килииньикэҕэ маннык хабааннаах, улахан дьоҥҥо аналлаах “Check-up” уонунан араас көрүҥэ баар: дьахталларга, эр дьоҥҥо аналлаах кэлим бырагыраамалар, “Доруобай сүрэх”, “Гастроэнтерология”, “Саахары -- хонтуруолга” уо.д.а. Сиһилии килииньикэ төлөпүөннэригэр эрийэн ыйыталаһаргытыгар сүбэлиибит.
 
 
ТҮМҮК
 
Аан дойдуга мэдиссиинэ эйгэтигэр киһи доруобуйатын чинчийэр хайысха балысханнык сайдар. “Виктори Клиник” ол бырассыаһы кэтиир, сайдыыны кытта тэҥҥэ хаамар. Тэрилтэ тутуһар сүрүн бириинсибэ – дьоҥҥо табыгастаах усулуобуйаны тэрийии. Ол туһуттан килииньикэ быраастара, наада буолар түгэнигэр, ыарыһаҕы дьиэҕэ тиийэн көрүөхтэрин, анаалыс ылыахтарын сөп, бары өттүнэн табыгастаах араас бырагырааманы толкуйдаан олоххо киллэрэллэр, аан дойдуга киэҥник биллэр технологиялары, тэриллэри туһаналлар. Килииньикэ саҥардыллан, кэҥээн-улаатан иһэр.
Күндү ааҕааччылар! Доруобуйаҕыт, эккит-сииҥҥит туругун бэрэбиэркэлэтэн, ыарыы баар буоллаҕына, ону олохсуппакка тута кэмигэр көрдөрүнэн эмтэнэ охсуҥ, кэлэр кэмҥитигэр эрэллээх сананыҥ. “Виктори Клиник” килииньикэ эһиэхэ күүс-көмө буоларга мэлдьи бэлэм.
Чэгиэн буолуҥ!
 
AnyConv.com 444c840b 75fc 4715 96f6 fd3fba2e0387 1
 
 
 
CALL-киин: 421-000
Бырааһы дьиэҕэ ыҥырарга: 421-519
Бассаабынан суруйтарарга: +7 914 226 52 52

Лабаратыарыйа/анаалыстар: Ленин бэр., 3/1
МРТ-Киин: Лермонтов уул., 25/2а 32-80-80
Дьиэ кэргэн килииньикэтэ: Ленин бэр., 61/2

Лиссиэнсийэтэ:
ЛО-14-01-000086-22 от 20.06.2022 г.
ЛО-14-01-002565 от 22.07.2019 г.
ЛО-14-01-002423 от 29.08.2018 г.
ЛО41-01179-14/00359789 от 18.052018 г.
Реклама ООО “ИКС-РЕЙ” ИНН 1435214049

Санааҕын суруй

Бүтэһик сонуннар