Үөһээ Бүлүү улууһун Далыр нэһилиэгэр улахан дьикти түгэн буолла.
Бырааттыы Михайловтар,эрдэ төрөөбүт кулуннара,эмискэ сүтэн хаалар.Иччитэ Алексей уһуннук көрдүү сатыыр,булчут,сири уоту үчүгэйдик билэр уол,сылгытын сылдьар ыырын барытын кэрийэр да малыйар.
Кулун ууга тааһы бырахпыттыы сүтэн хаалар.Ый курдук кэм ааһар,арай биир үтүө күн,убайдара Николай,алҕас ааһан иһэн,хонуу ортотугар,умуһах баарын таах өҥөйөн көрөр уонна соһуйан тиэрэ кэлэн түһэ сыһар.Оҥкучах түгэҕэр кулунчук хараҕа чоҕулуйан турар эбит! Аймалҕан буолар,икки кулунун сүтэрэ сылдьар киһи кэлэр,көмөлөөн хостууллар,омуһах мас ытыыһын,кулун муҥнаах дэлби кирбит суола бөҕө...
Быраата Алексей кэлэн көрөөт "хайа бу мин кулунум дии", - диэн соһуйуу,өмүрүү бөҕө буолар. Кулун билигин иитийэххэ турар.Туруга көннө.Биир ый курдук умуһахха маһы кирэн аһылыктанан туруу — олоххо тардыһыы күүһүн көрдөрдөҕө. Дьэ, саха сылгыта барахсан тулуура бөҕө! Гиннес рекордун кинигэтигэр да киириэн сөп. Биир ый умуһахха туран,тыыннаах орпут дьөһөгөй оҕото барахсаны...дьиҥ саха сылгыта!
