Бу дьыл олунньу 11 күнүнээҕи туругунан, Саха сиригэр уопсайа 186 тыһ. сүөһү баар, ол иһигэр 77,4 тыһ. ынах. Уопсайа уулаах ынахтан 7,3 % төрөөбүт, 5665 ньирэй баар буолбут. Оттон сылгы ахсаана 181,6 тыһ. буолбут, ол иһигэр 116,5 тыһ. биэ.
Быйылгы кыстыкка 460,4 тыһ. туонна кытаанах ас, 25,3 туонна сиилэс уонна 13,2 туонна сенаж көрүллүбүт. Олунньу 11 күнүнээҕи улуустар биэрбит дааннайдарынан, билигин 256,2 тыһ. туонна кытаанах сүөһү аһа (55,7%), 6,3 тыһ. т. сенаж (47,5 %) уонна 13,2 тыс. тн. сиилээс (52,3%) ордон сытар.
Билигин 54 305 төбө сылгыны эбии аһатыыга туппуттар, ити уопсай сылгы 29,9 %-нын ылар, ол иһигэр: Амма улууһугар - 2735 төбө (21,2%), Үөһээ Бүлүүгэ - 4767 төбө (56,5%); Үөһээ Халымаҕа - 50 төбө (26,7%), Дьааҥыга - 1917 төбө (26,2%), Бүлүүгэ - 2581 төбө (35,1%), Горнайга - 3033 төбө, (65,3 %), Кэбээйигэ - 677 төбө (20,8%), Ленскэйгэ - 1342 төбө (88,1%), Намҥа - 4355 төбө (35,2%), Ньурбаҕа - 4585 төбө (42,5%), Өймөкөөҥҥө - 451 сылгы (12,7%), Өлүөхүмэҕэ - 3968 төбө (58,3%), Орто Халымаҕа - 591 (24,5%), Сунтаарга - 10660 төбө (85,7%), Тааттаҕа - 2657 (19%), Томпоҕо - 390 төбө (18 %), Уус Алдаҥҥа - 8888 төбө (65,2%), Хаҥаласка - 3548 төбө (24,9%) уонна Чурапчы улууһугар - 5278 төбө (33 %), маны таһынан Дьокуускай куоракка - 574 төбө (18%) уонна Жатайга - 146 төбө (98,6%). НБылырыын баччаларга 53 100 сылгыны эбии аһатыыга туппуттара (эбэтэр уопсай төбө ахсааныттан 29,1%).
Ветеринария департаменын олунньу 4 күнүнээҕи суһал иһитиннэриитигэр ыйылларынан, 2020-2021 сс кыстыгар Саха сиригэр 679 төбө өлбүт, ол иһигэр 515 ынах-сүөһү, 127 сылгы. 37 төбөнү (3 ынаҕы уонна 34 сылгыны) кыыл соспут.
Олунньу 11 күнүнээҕи туругунан өрөспүүбүлүкэҕэ 129689 төбө дьиэ кыылын чииптээбиттэр, ол иһигэр 28208 племенной төбөнү (2386 ынах-сүөһүнү, 8794 сылгыны, 970 сибиинньэни, 15158 табаны), маны таһынан 101 661 ынах-сүөһүнү «Regagro» систиэмэтинэн маркировкалаабыттар.
ТХМ иһитиннэрэринэн, быйылгы кыстык этэҥҥэ баран иһэр. Күөххэ этэҥҥэ үктэнэргэ аһатыыны үчүгэйдик тэрийэргэ, элбэхтэ иҥэмтэлээх аһы биэрэргэ, ньирэйдэргэ БАДтары, иҥэмтэлээх бородууктаны эбии аһатарга сүбэлииллэр. Маны таһынан, сүөһү аһыгар цеолиты, Кэмпэндээйи тууһун эбии биэрэр үчүгэй дииллэр.
