Киир

Киир

Ааспыт суукка устатыгар Саха сиригэр эбии 124 киһи коронавирустаабыта бигэргэммит.

Ол курдук, Дьокуускайга - 48, Мииринэйгэ - 12, Нерюнгрига - 10, Алдаҥҥа - 9, Мэҥэ Хаҥаласка - 8, Аммаҕа - 7, Аллараа Халымаҕа - 2 киһи ыалдьыбыттар. Маны таһынан, 4-түү ыарыһаҕы Эдьигээн уонна Кэбээйи улуустарыгар, 3-түү ыарыһаҕы Аллайыаха, Бүлүү, Өймөкөөн, Таатта уонна Уус Алдан улуустарыгар бигэргэппиттэр. Биирдии ыарыһаҕы Үөһээ Бүлүү, Горнай, Ньурба, Өлүөхүмэ уонна Сунтаар улуустарыгар булбуттар. Суука устата Саха сирин лабораториялара 2001 анаалыһы чинчийбиттэр, уопсайа хамсык саҕаланыаҕыттан 880328 тест ыытыллыбыт. 

Айсен Николаев Саҥа дьыллааҕы бырааһынньыктарга (ахсынньы 31-тохсунньу 10 күннэригэр) өрөспүүбүлүкэҕэ хамсык 40 бырыһыанынан түспүтүн бэлиэтээбит. Ити күннэргэ уопсайа 12 тыһ. тахса анаалыс ылыллыбыт, онон ити анаалыһы аҕыйахта оҥорбуттарыттан ыарыы намтаабыт диэн буолбатаҕын бигэргэтэр. Айсен Сергеевич тохсунньу 15 күнүттэн хааччахтыыр миэрэлэри биллэрбит укааһа күүһүн сүтэрэрин эппит, онон миниистирдэр кэбиниэттэрэ уонна Роспотребнадзор саҥа этиилэри оҥороллоругар сорудахтаабыт. Билигин коронавирус быһыытын биэрэргэ ураты болҕомто ууруллар, маныаха анал маршрутизация оҥоһуллар. Бу быһыы хайа да вакцинатааҕар харайарга эҥин ураты буолан, олох атын көрүүнү ирдиир.

Тарҕат:

Санааҕын суруй