Киир

Киир

 

Тырааныспар министиэристибэтигэр бу көҕүлээһини көрөөһүнү бигэргэттилэр.

Бүтүн Арассыыйатааҕы пассажирдар түмсүүлэрэ РФ Тырааныспарын министиэристибэтин баһылыгын Виталий Савельевтан, бөдөҥ арассыыйатааҕы авиахампаанньаларга 500 саҕалаан 5000 тиийэ бонустаах биһирэбил систиэмэтин киллэрэргэ көрдөстө, өскөтүн кинилэр хамсыгы утары быһыыны ылбыт эбит буоллахтарына. Ол туһунан «Известия» хаһыат, тэрилтэ суругар сигэнэн иһиттиннэрдэ.

Тырааныспар министиэристибэтигэр чугас дьон хаһыакка иһитиннэрбиттэринэн, маннык аахсыйаҕы кыттыһарга номнуо S7 Airlines бэлэм.

Уопсастыбынньыктар бу аахсыйаны ыам ыйын 25 күнүттэн атырдьах ыйын 25 күнүгэр диэри ыытарга былаанныыллар. Бу болдьох иһинэн хамсыгы утары быһыыны ылбыт пассажирадар чэпчэки сыаналаах авиабилеккэ эрэниэхтэрин сөп.

«Тырааныспар хампаанньалара пассажирдар хамсааһыннара элбииригэр уонна кинилэр өҥөлөрүнэн туһанарга интириэстээхтэр. Нэһилиэнньэ актыыбынайдык хамсыгы утары быһыыны ылара, «хамсык үһүс долгунан» үөскээһинин лаппа намырытар уонна тырааныспар эйгэтигэр хааччахтааһыны аҕыйатар», - диэн хаһыакка быһаарда уопсастыбынньыктар түмсүүлэрин бэрэссэдээтэлэ Илья Зотов.

Уопсастыбынньыктар Тырааныспар министиэристибэлэрин суруктарыгар итиэннэ бу аахсыйаны каршеринг, такси уонна тимири суолунан тиэйии өҥөлөрүгэр тиэйиигэ тарҕатарга көрдөстүлэр. Тырааныспар министиэристибэтигэр уопсастыбынньыктар көҕүлээһиннэрин көрөллөрүн бигэргэттилэр.

Тарҕат:

Санааҕын суруй