Киир

Киир

«АЛРОСА» хампаанньа хоруона хамсыгын бохсор суһал ыстаап чахчыларын көрдөххө, Мииринэйгэ балаһыанньа сол көнө илик. Дьон ыалдьыбытын курдук ыалдьа тураллар.

Мииринэйдээҕи ковид госпиталын реанимациятыгар ИВЛ аппараатыгар хампаанньа үлэһиттэрин киириилэрэ - баар суол.

Балаҕан ыйын 1 күнүгэр суһал ыстаап «Алмаастаах кыраай» теле-араадьыйа хампаанньаҕа таһаарбыт чахчылара манныктар:

“ Бэҕэһээ, Мииринэйгэ - 21 киһи, Удачнайга уонна Айхалга – 16 киһи хоруона хамсыгар хаптарбыттара бигэргэтилиннэ.Мииринэй ковиднай госпиталыгар - 95 ыарыһах, Удачнай куораттааҕы балыыһатыгар - 22 ыарыһах эмтэнэллэр. 308 киһи Мииринэй куоратыгар амбулаторнай эмтэниини бараллар.”

Даҕатан эттэххэ, бу күннэргэ Мииринэйгэ балтараа тыһыынча вакцина кэллэ.

Мииринэй оройуоннааҕы балыыһата (МЦРБ) субуотаны, өрөбүлү аахсыбакка нэһилиэнньэҕэ быһыыны биэриини утумнаахтык ыытар.

Станислав Алексеев. Мииринэй куората. 

Тарҕат:

Санааҕын суруй

Бүтэһик сонуннар