Киир

Киир

Уокуруктааҕы дьаһалта пресс-киинэ иһитиннэрэринэн, сэтинньи 16 күнүттэн Октябрьскай аатынан уулуссаттан саҕалаан «Илин эҥэр» маҕаһыыҥҥа диэри суол сабыллынна.

Иһитиннэриигэ бэлиэтэнэринэн, «Дорстрой» ХЭТ былаан быһыытынан куорат уулуссаларын саас-сааһынан өрөмүөннүүр үлэтин ыытар.

Алтынньы ый бүтэһигэр Кулаковскай уонна Петровскай ааттарынан ууулуссалар быһа харсыһыыларыгар,  суол өрөмүөнүн кэмигэр, тиэхиньикэ буору хаһан былыргы дьон көмүүтүн кырамталара көстүбүттэр, үлэ хаамыыта тохтообут. Археологтар бу сир учаастагар чинчийэр үлэ ыыта сылдьаллар. Билим чинчийиитэ бүттэҕинэ суол үлэтэ тиһигин быспакка салҕаныа.

Ленин проспегын суолун чиҥник оҥоруу үлэтэ алтынньы 7 күнүттэн саҕаламмыта. Кулаковскай аатынан уулуссаттан Киров аатынан уулуссаҕа диэри суол үчүгэйдик оҥоһуллуохтаах. 2022 сылга аспаалланыахтаах.

Итиэннэ кэлэр сылга Ленин проспегар граниттан тротуардар ууруллуохтара, бэлэсипиэт суоллара оҥоһуллуо, уу түһэр лотуоктара баар буолуохтара. Маны таһынан, уулуссаны көҕөрдүү үлэтэ аны сайын күүскэ ыытыллара күүтүллэр.

Тарҕат:

Санааҕын суруй