Мииринэйтэн Дьокуускайга көтүү сыаната – 19 тыhыынча солк.
Москубаҕа көтүү – 8.700 солк. Краснодарга көтүү – 10.200 солк.
Мииринэй-Санкт-Петербург – 10.200 солк.
Мииринэй-Сочи-10.200 солк. Мииринэй – Иркутскай – 9.450 солк. Мииринэй-Новосибирскай- 10.450 солк.
Итинэн холобурдаатахха, «материкка» эбэтэр соҕуруу сөмөлүөтүнэн айанныыр, биһиэхэ холоотоххо, быдан чэпчэки. Уһук Илиҥҥэ киирсэр субсиидьийэлээх тарыыбынан, Москубаҕа көтөр авиабилет сыаната – 8.700 солк. Маннык авиабилеты оҕонньор, орто саастаах киһи да оҕочоос да атыылаһыахтарын сөп. Ирдэбиллэрэ – пассажир Мииринэй куоратыгар пропискалаах буолуохтаах уонна агенствоҕа пааспарын куоппуйатын тиксэриэхтээх.
Оттон Өрөспүүбүлүкэбит киин куоратыгар – Дьокуускайга бэл соҕуруу Сочига барардааҕар быдан ыарахан сыанаҕа айанныыбыт. 19 тыһыынча солкуобай. Кэлэ-бара – 38 тыһыынча солк. Бу туох ааттаах атаҕастабыллаах быһыыный-майгыный!
Мииринэйтэн Дьокуускайдыыр авиарейсэ тоҕо куруук ыараханый диэн отучча сыл устата элбэхтик ыйыталастым. Онно, авиатордартан да үрдүкү салалтабытыттан да ким да сүгүн-саҕын хоруйдаабатаҕа.
Станислав Алексеев. Мииринэй куората.