Айылҕа харыстабылын миниистирин урукку солбуйааччыта Алексей Агеев былырыын сайын, итирик туруктаах уруулга олорон ГИБДД үлэһиттэригэр түбэспитэ. Сол күн, Ил Дархан Айсен Николаев Агеевы дуоһунаһыттан босхолуур туһунан бирикээскэ илии баттаабыта.
2021 сыллаахха, от ыйын 5 күнүгэр, сарсыарда 4 чааска, Васильев аатынан переулокка Агеев итирик туруктаах ГИБДД үлэһиттэригэр түбэспит диэн Дьокуускай куораттааҕы суут матырыйаалларыгар суруллубут.
Мэдьиссинэ чинчийиитэ туоһулааһынынан, Агеев испит туруга - 0,7 мг/л көрдөрбүт. Буруйдаах массыыната былдьаммыт. Административнай дьыала көбүтүллүбүт.
Билиҥҥи кэмҥэ дьыаланы көрүү суукка бэрилиннэ. Бу иннинэ Агеевы массыынаны ыытыы быраабын быһыы уонна 30 тыһ. ыстарааптыыр туһунан мировой судьуйа уурааҕа, дьыала албакаата суох көрүллүбүтүн иһин, Дьокуускай куорат суутунан көтүрүлүннэ.
От ыйыгар, Агеевы үлэтиттэн уураппыттарын үгүс дьон, Айылҕа Харыстабылын миниистирэ Александр Козлов ойуур баһаарын ахсаанын намтатарын кытары сибээстээбиттэрэ.
Ол эрээри, Агеев бу ууратыы Козлов тылларын кытары ситимэ суох диэн эппитэ.
Миниистири солбуйааччы бэйэтэ этэринэн: "Мин бэйэм баҕа санаабынан уурайдым, бу уруккуттан быһаарыммыт санаам этэ", - диэбитэ.
