Өрөспүүбүлүкэ күнүн чэрчитинэн, муус устар 27 күнүгэр Ленин болуоссатыгар киэһэ 18 ч. эр дьон “Сүр Оһуокайа” ыытыллар. Үҥкүү тылын үгэс курдук ырыаһыт Лэгэнтэй таһаарыаҕа.
Быйыл маннык оһуокай үһүс төгүлүн ыытыллыаҕа. Былырыын тыһыынчаттан тахса эр дьон тоҕуоруспута, тэрээһиҥҥэ Ил Дархан, куорат мээрэ, дьокутааттар уонна да атын биллэр-көстөр дьон сылдьыбыттара.
Норуоту сомоҕолуур сыаллаах тэрээһини “Ил Сүбэ” уопсастыбаннай тэрилтэ тэрийэр. Эр дьон маассабай оһуокайа ыччакка патриоттуу тыыны иитэр, чөл олоҕу өрө тутар сыаллаах ыытыллар.
