Бүгүнү быһа СМИлэргэ, социальнай ситимнэринэн “Ил Дарханы сөмөлүөттэн “авиация быраабылаларын уонна экипаж ирдэбилин тутуһартан аккаастаммытын иһин” уста сыспыттар” диэн ис хоһоонноох иһитиннэрии тилийэ көтөн кэбистэ. Арыллаан бөҕө буолбутуттан, Егор Борисов Инстаграмҥа сирэйигэр “бу түбэлтэҕэ “Аэрофлот” бортпроводниктара сыыһалаахтар” диэн быһаарбыт.
Ил Дархан этэринэн, “Аэрофлот” сөмөлүөтүгэр тахсыбыт өйдөспөт быһыы Егор Афанасьевичка уонна кини кэргэнигэр түһэр толуоннарын биэрбэтэхтэриттэн тахсыбыт.
“Бу мөккүөр төрүөтүнэн, рейскэ бэлиэтэнии кэннэ, аэропорт үлэһитэ миэхэ уонна кэргэммэр көтөн түһэр толуоммутун биэриэхтээҕин умнан кэбиспититтэн сылтаан таҕыста. Толуону кэлин бырастыы көрдөһөн аҕалан биэрбиттэрэ. Ол икки ардыгар стюардесса дьыаланы быһаарсыбакка эрэ күүркэтэн биэрдэ уонна көмөлөһөөччүбүн эриэйсэттэн устан кэбистэ” диэн Инстаграмыгар суруйбут.
Бырабыыталыстыба аппараатыгар “Аэрофлот” авиахампаанньаҕа ирдэбил түһэрэллэригэр сорудахтаммыт.
Сэҥээриилэр