СӨ Бырабыыталыстыбатын бэрэссэдээтэлин бастакы солбуйааччы - экэниэмикэ миниистирэ Михаил Осипов кулун тутар 22 күнүгэр Саха сирин Бырамыысыланнас уонна геология министиэристибэтин үлэһиттэригэр саҥа миниистири – Максим Терещенконы билиһиннэрдэ.
Санатар буоллахха, Ил Дархан Егор Борисов кулун тутар 7 күнүгэр Максим Терещенконы миниистир дуоһунаһыгар аныыр туһунан Ыйааҕы таһаарбыта.
Михаил Осипов саҥа миниистир олоҕун-дьаһаҕын, үлэтин-хамнаһын билиһиннэрдэ, министиэристибэҕэ бырамыысыланнас сайдарын туһугар элбэх соруктар тураллар диэн бэлиэтээтэ.
СӨ Ил Дархан уонна бырабыыталыстыба дьаһалтатын иһинэн судаарыстыбаннай уонна муниципальнай сулууспа, итиэннэ каадыр бэлиитикэтин департаменын салайааччы Андрей Мартынов Максим Терещенкоҕа миниистир дастабырыанньатын туттарда.
Максим Терещенко кэлэктиипкэ “Бырамыысыланнас уонна геология өрөспүүбүлүкэ биир тутаах салаата буоларынан, министиэристибэ өрөспүүбүлүкэҕэ инники күөҥҥэ сылдьыахтаах. Бырамыысыланнас үлэтин түмүгүттэн өрөспүүбүлүкэ олоҕо быһаччы тутулуктаах. Өрөспүүбүлүкэҕэ эрэ буолбакка, федеральнай да таһымҥа куруук инники сылдьарга дьулуһуохтаахпыт” диэтэ.
Максим Терещенко сыалын-соругун олоххо киллэрэргэ соруктарын туһунан үллэһиннэ уонна олохтоох салалталартан ирдиирин биллэрдэ.
Маны таһынан, үлэ түмүктээх буоларын ситиһэргэ бары үлэһиттэр эппиэтинэстээхтик сыһыаннаһаллара ирдэнэрин тоһоҕолоото. “Хас биирдиигит бэйэтин үлэтигэр идэтийбит буолуохтаах” диэн ирдээтэ. Итиэннэ “саамай сүрүнэ – норуокка, кэлэктиипкэ көнө майгылаах, чиэһинэй дьону сыаналыыбын” диэтэ уонна үлэһиттэригэр толору эрэнэрин биллэрдэ.
Сэҥээриилэр
lot of things from it about blogging. thanks.
Also visit my web site: اسعار الشحن شوب اند شيب: http://www.0sex.com/profile/AlejandroBrobst25078/
My webpage ... خدمات الاستقبال
والترحيب في المطار: http://tpicorp.tc/__media__/js/netsoltrademark.php?d=myspace.com%2Fholdermarker2