Бүгүн Ил Дархан Инстаграмҥа сирэйигэр гражданскай уопсастыба сайдыытын миниистирин солбуйааччы Иван Луцканы ыҥыран кэпсэппитин уонна киниэхэ Ыччат уонна дьиэ кэргэн бэлиитикэтин министиэристибэтин салайарыгар этии киллэрбитин туһунан эттэ.
Сотору кэминэн Иван Луцканы саҥа дуоһунаска аныыр туһунан Ыйаах тахсыаҕа. Кини үөрэҕирии, доруобуйа харыстабылын, демография, социальнай дьаллыктары кытары охсуһуу, физическэй култуураны уонна спорду тарҕатыы, патриоттуу тыыҥҥа иитии, ыччат дьарыктаах буолуутун, урбаан, инновация, цифровой экэниэмикэ сайдыытын уонна буруйу оҥорууну бохсуу боппуруостарын салайыаҕа. Иван Петрович Луцкан идэтинэн быраас, 1985 сыллаах төрүөх.
