Егор Борисов былааннаммыт уоппускатыттан үлэтигэр таҕыста. Бу туһунан кини пресс-сулууспата иһитиннэрэр. Ил Дархан Москубаҕа премьер Евгений Чекинниин уонна спикер Александр Жиркову кытары көрсөн мунньахтаабыт.
“Егор Афанасьевич кэллиэгэлэрин кытары мунньахтыырыгар болдьоҕун иннэ былааннаммыт уоппускатыттан үлэтигэр тахсарын туһунан эттэ. Сотору кэминэн кинини федеральнай былаас уорганнарыгар күүстээх үлэ кэтэһэр”, – диэн пресс-сулууспа суруйар.
Бу нэдиэлэ саҕаланыыта Ил Дархан РФ Үпкэ миниистирэ Антон Силуановы кытары көрсүөҕэ. Маны таһынан, муус устар 24 күнүгэр Арктика сайдыытын боппуруостарыгар судаарыстыбаннай кэмитиэт президиумун мунньаҕар кыттыаҕа. Оттон аныгыскы нэдиэлэҕэ “АЛРОСА” ПАО Кэтээн көрөр сэбиэтин мунньаҕар кыттыаҕа.
