Кэм-кэрдии уларыйан истэҕин аайы өрөспүүбүлүкэ үрдүк уонна орто анал үөрэҕин кыһалара саҥа үөрэх бырагырааматын киллэрэллэр. Ол курдук, быйылгыттан саҕалаан Сира сиригэр түөрт саҥа идэ исписэлиистэрин бэлэмниир буолуохтара.
Быйыл Саха сирин үөрэҕин кыһаларыгар урукку өттүгэр суох, букатын саҥа идэлэргэ уһуйуохтара. Ол иһигэр:
- “Интеллектуальные интегрированные системы”;
“Техническая эксплуатация и обслуживание роботизированного производства по отраслям”;
“Монтаж, техническое обслуживание, эксплуатация и ремонт промышленного оборудования по отраслям”;
“Монтаж, техническое обслуживание и ремонт гидравлического и пневматического оборудования по отраслям”.
“Биирдиилээн тэрилтэлэр саҥа тиэхиньикэҕэ-тэрилгэ көһөн эрэллэр. Онон сибээстээн, саҥа идэни баһылаабыт исписэлиистэри бэлэмниэхтээхпит. Туһааннаах сакааһы тэрилтэлэр оҥороллор. Үлэ миэстэтэ баар, ол иһин саҥа үөрэх бырагыраамалара киирэллэр”, – диэн СӨ үөрэххэ уонна билимҥэ миниистирин солбуйааччы Михаил Присяжнай 2024 сыллааҕы үөрэххэ тутуу хампаанньатын сырдатар эфиргэ кэпсээтэ.
Итини таһынан, миниистир солбуйааччыта орто уонна үрдүк үөрэхтэргэ туттарсааччылар докумуоннарын судаарыстыбаннай өҥө порталын уонна “ВУЗ Сперсервис” портал нөҥүө ыытыахтарын сөбүн санатта.
Бэй.кэр.
Хаартыска: р06.цопп.рф
