Былырыын ХИФУ археологиялыы эспэсидииссийэтэ Чурапчы сэлиэнньэтиттэн 9 км тэйиччи турар Көрдүгэн диэн сиргэ 4 тыһ. сыл анараа өттүгэр хойукку неолит (Ымыйахтаах култууратын) кэмигэр олоро сылдьыбыт сэрииһит көмүүтүн булбуттара.
ХИФУ учуонайдара Н.Н. Миклухо-Маклай аатынан Этнология уонна антропология институтун учуонайдарын кытта антропология матырыйаалларынан уонна археология артефактарынан сэрииһит тас дьүһүнүн 3D-оцифровка ньыматынан оҥорон таһаардылар.
3D-тилиннэрии биһирэмэ ХИФУ түмэлигэр буолбута. Бу сэрииһит нганасан, коряк, чукча омук өбүгэтэ буолуон сөп диэн сабаҕалааһын баар. Хаартыскаҕа сэрииһити булбут археолог Александр Степанов уонна 3D-тилиннэрии ааптардарыттан биирдэстэрэ Сергей Васильев.
Сонун төрдө: ХИФУ пресс-сулууспата
