Москубаҕа Бүтүн Арассыыйатааҕы Сылгыны иитиини чинчийэр институт учуонай-генетиктара Дьааҥы сылгыта Саха Сирин олохтоох сылгытыттан ураты хааннааҕын быһаарбыттар. Ол туһунан соторутааҕыта «Арктика» ХЭТ дириэктэригэр, урбаанньыт Владимир Чириковка институт дириэктэрэ, улахан генетик-учуонай Александр Зайцев бэйэтэ биллэрбит.
Кини маннык суруйбут:
«Здравствуйте, Владимир Христофорович! Можете смело говорить, что по результатам геномного анализа верхоянские лошади показывают яркие отличия от коренного типа, сейчас начинаем анализ отдельных генов, отвечающих за экстерьер и уникальные приспособительные качества».
Санатар буоллахха, Александр Михайлович, былырыын муус устарга СӨ Тыа хаһаайыстыбатын дэлэгээссийэтин кытта Адыаччыга тиийэ сылдьан, Владимир Христофорович сылгы иитэр хаһаайыстыбатын сылгыларыттан анаалыс ылан барбыт. Манна 200 кэриҥэ ыраас хааннаах дьааҥы сылгытын иитэллэр.
Учуонай суруйбутунан, салгыы дьааҥы сылгытын экстерьернай уонна ураты тулуурдаах геннарын үөрэтии бара турар. Ону таһынан, Адыаччы түмэлигэр хараллан сытар былыргы (палеолит) сылгы тииһин уҥуоҕуттан ДНК хостообуттар. Бу генетическэй матырыйаал билиҥҥи дьааҥы сылгыта палеолит сылгытын кытта уруурҕаһар дуу, суох дуу диэн үөрэтиигэ туттуллара сабаҕаланар. Онон, дьааҥы сылгытын геномун, генетическай кодтарын арыйыы-чинчийии салҕанар.
Бэйэ кэр.
