Саха сиригэр РФ үөрэхтээһиҥҥэ миниистирэ Сергей Кравцов кэлэн барда. Кини Айсен Николаевтыын көрсөн өрөспүүбүлүкэҕэ национальнай бырайыактар иилэринэн үөрэх инфраструктуратын тупсарыы, эбии үөрэхтээһин уонна патриотическай иитии туһунан кэпсэттэ.
«РФ Үөрэх министиэристибэтин өйөбүлүнэн, уонунан уһуйаан, оскуола туттубут, 100 тахса оскуола дьиэтин өрөмүөннээтибит. Ол түмүгэр, Сахабыт сирин нэһилиэктэригэр олох тупсар, сэргэхсийэр», – диэн Ил Дархан дойду үөрэхтээһиҥҥэ миниистиригэр махтанна.
Сергей Кравцов Айсен Николаев П.И. Дудкин аатынан Дьокуускайдааҕы сибээс уонна информационнай технология колледжа эһиил «Профессионалитет» федеральнай бырайыак иитинэн кластеры тэрийиигэ сүүмэрдээһини ааһар санаатын өйөөтө. Кини Саха сиригэр үөрэх саҥа эбийиэктэрин, ол иһигэр Дьокуускайдааҕы оскуола-интэринээт уонна Саха политехническэй лиссиэйи, хааччыйыы уонна тутуу таһымын үрдүктүк сыаналаата.
Федеральнай миниистир этэринэн, Саха сирин үлэҕэ үөрэтии уонна дойдуга тапталы иҥэрии өттүгэр улахан уопутун дойдуга киэҥник тарҕатыахха сөп. Маны таһынан, салайааччылар Дьокуускайга Национальнай тыллар кииннэрин салгыы сайыннарарга сүбэлэстилэр.
Хаартыска: Андрей Сорокин, СИА
