Киир

Киир

Өрөспүүбүлүкэ Физическэй култуураҕа уонна успуорка Миниистирэ Леонид Спиридонов Арассыыйа панкратиоҥҥа Федерациятын бэрэсидьиэнин кытта Константин Климовтыын уонна эрэгийиэннээҕи федерация бэрэссэдээтэлэ Дмитрий Федоровтыын Саха сиригэр  панкратион сайдыытын туһунан ырыттылар.  

Миниистир эппитинэн, булкаас күөн-көрсүү (единоборство) успуорт көрүҥүн Саха сиригэр сэҥээрэллэр, панкратион Дьокуускай куоракка, Мииринэй, Уус Майда уонна Сунтаар оройуоннарыгар сайдар, манна биир үксүн тириэньэрдэр бэйэлэрэ, уопсастыба өйөбүлүнэн сөбүлээн дьарыктыыллар.

«Биһиэхэ официальнай стартарга сүүмэрдиир күрэхтэһиилэр - өрөспүүбүлүкэтээҕи официальнай турнирдар, первенствэлэр уонна чемпионаттар ыытыллаллар. Биһиги хомуур хамаандабыт Уһук Илиҥҥи чемпионаттарын хамаандатааҕы зачеттарыгар икки төгүл үрүҥ көмүс призерынан буолбута. Саха сирин спортсменнара Бүтүн Арассыыйатааҕы күрэхтэһиилэргэ, Арассыыйа Кубогар, Уһук Илин уонна Арассыыйа бастыыр иһин күрэхтэһиилэригэр миэстэлэспиттэрэ уонна кыайбыттара. Маны сэргэ, бэтэрээннэр быыстарыгар дойду икки чөмпүөйүнэ баар», - диэн миниистир кэпсиир.   

Панкратион Федерациятын бэрэсидьиэнэ спортсменнары бэлэмнииргэ бэйэтин ааптарыскай дьарыктыыр ньыматын туһанарга этии киллэрэр.

«Саха сиригэр кэскиллээх хоһууннар бааллар. Онон, ураты дьарыктыыр ньыманы тутуннахха, тас уонна ис конкуренция таһымын үрдэтиэҕэ. Күөн көрсүү майгыны иитэр. Биллэн турар, бары чөмпүйүөн буолбаттара чахчы, ол эрээри, улахан уопуту ылыахтара. Бүгүҥҥү туругунан, аныгы панкратион биир саамай көстүүлээх көрүҥүнэн буолар», - диэн Константин Климов этэр.

 

Тарҕат:

Санааҕын суруй

Бүтэһик сонуннар