Саха сириттэн Артем Соколов, «Крылья Советов» футбол хамаандатыгар оонньооччу, Арассыыйа ыччатын хомуур хамаандатыгар киирдэ. Дойду хамаандата Белоруссияҕа хомууру уонна икки күрэхтэһиини ыытыаҕа.
«Крылья Советов» футбол кулуубуттан Арассыыйа ыччатын хомуур хамаандатыгар үс оонньооччуну ыҥырбыттара, олор быыстарыгар Артем Соколов баар.
Арассыыйа хамаандатын хомуура балаҕан ыйын 19 күнүттэн 26 күнүгэр диэри ыытыллыаҕа. Бу кэм тухары Казахстан уонна Белоруссия хамаандаларын кытта оонньуулар буолуохтаахтар. Билигин Арассыыйа бастыыр иһин күрэхтэһиилэрин сезонугар Артем Соколов бэйэтин кулуубун чиэһин хаста даҕаны көмүскээтэ. Уон оонньоммут тууртан кини хонууга аҕыста тахсыбыта, олортон сэттэ күрэхтэһии стартовай састаабыгар баара. Барыта холбоон кини «Крылья Советов» аатыттан Премьер-лигаҕа 500-н тахса мүнүүтэ оонньообут уонна биирдэ күүстээхтик гол киллэрэн бастыҥнартан биирдэстэрэ буолбут. Билиҥҥи туругунан, кини хамаандата бастыыр иһин киирсиигэ уон очколаах уон биирис миэстэҕэ сылдьар.
