Футболга аан дойду чөмпүйэнээтэ бэс ыйын 14-от ыйын 15 күннэригэр Арассыыйа 11 куоратыгар көһө сылдьан буолуоҕа. Футболга аан дойду чөмпүйэнээтин ыытыы – улахан эппиэттээх суол, чиэс-бочуот.
Ол эрээри Арассыыйаҕа буолар успуорт сүдү бырааһынньыга уота-күөһэ суох, муор-туор барарыгар интэриэстээх күүстэр элбэхтэр. Холобур, урукку дьылларга маннык чөмпүйэнээттэргэ аан дойду ааттаахтара, дойдулар баһылыктара, улахан чөмчөкөлөр бары мустар эбит буоллахтарына, Арассыыйаҕа бэрт быһаҕас-отоҕос дэлэгээссийэлэр кэлэн эрэллэр. Европарламент бэс ыйын 14 күнүгэр чөмпүйэнээти “дипломаттыы бойкуоттуур” туһунан резолюция ылынаары оҥостор. Бойкуоттуур туһунан этиини аан бастаан Британия былаастара көтөхпүттэрэ. Скрипаль дьыалатыттан сиэттэрэн.
