Бу нэдиэлэ бүтүүтэ Дьокуускайга Арассыыйа уонна Аан дойду успуордун дьиҥнээх сулустарын, аатырар чөмпүйүөннэрин түһүлгэтэ буолаары турар.
"Муус Устар" ыччат бэстибээлигэр уус-уран гимнастикаҕа билигин Арассыыйа хамаандатын маҥнайгы нүөмэрэ, Аан дойду уонна Арассыыйа быйылгы хас да төгүллээх чөмпүйүөнэ Лала Крамаренко уонна бөлөҕүнэн күрэхтэһиигэ олимпийскай чөмпүйүөнэ Ксения Дудкина кэлиэхтэрэ.
Лала Крамаренко бээтинсэҕэ, кулун тутар 24 күнүгэр, киэһэ 6 чаастан " Модун" успуорт комплексыгар буолар кэнсиэргэ бэйэтин маастарстыбатын көрдөрүөҕэ, успуорт бу саамай кэрэ көрүҥэр ыалдьаачылары үөрдүөҕэ. Кинини кытта бу түһүлгэҕэ өрөспүүбүлүкэ сүүмэрдэммит хамаандатын кыттыылаахтара, билигин Ирина Винер олимпийскай киинигэр дьарыктанар Зарина Борисова, Дарья Христофорова уонна Дьокуускай, Хаҥалас, Нерюнгри кулууптарыттан кырачаан гимнасткалар кыттыахтара. Онтон нөҥүө күнүгэр, субуота сарсыарда, Дьокуускай 25 №-дээх оскуола гимнастикатын саалатыгар Лала Крамаренко уонна Ксения Дудкина гимнастиканан дьарыктанааччыларга маастар-кылаас ыытыахтара.
Бу тэрээһиннэргэ Уус-уран гимнастикаҕа өрөспүүбүлүкэ бэдэрээссийэтин бэрэсидьиэнэ Людмила Николаева кыттыыны ылыаҕа.
Бэйэ кэр.
