Киир

Киир

Күрэхтэһиилэр “компакт-спортинг” көрүҥэр буолуохтара.

От ыйын 14-16 күннэригэр “Бэргэн” спортивнай ытыы кулуубугар буолуохтаах өрөспүүбүлүкэ спортиҥҥа чөмпүйэнээтэ эрэгийиэҥҥэ стендэ ытыытыгар уонна спортинг төрүттэммитэ  ХХ сылыгар ананар.

Кыттааччылар хамаанданан уонна биирдиилээн кыайыы иһин киирсиэхтэрэ. Ол курдук муниципальнай оройуоннар уонна успуорт кулууптара (үлэ кэлэктииптэрэ) кыттыахтарын сөп.

Спортменнары маннык бэрээдэктээхтик наардыахтара: эр дьон (А, В, С), юниордар, дьахталлар, 55-65-ригэр диэри саастаах бэтэрээннэр уонна 65-тэриттэн үөһээ саастаах супер-бэтэрээннэр . Кыттааччылар сааларын, сааларын көҥүлүн, докумуонун бэйэлэрэ илдьэ сылдьыахтаахтар.

“Быйылгы кыттааччылар састааптара өрөспүүбүлүкэ саамай күүстээх спортменнарыттан туруоҕа – барыта 60-тан тахса ытааччы кыттара сабаҕаланар. Ону тэҥэ Иркутскай уобалаһыттан уонна Казахстантан ыалдьыттар кэлэллэрэ күүтүллэр”, -- диэн Саха сирин стендэ ытыытын уонна спортинг федерациятын толорооччу дириэктэрэ Ариана Дарбасова үллэстэр.

Бэлиэтээн эттэххэ, чөмпүйэнээт призовой пуондата 1 мөл. солк. тэҥнэһиэҕэ. Онон хас биирдии дьиссипилиинэҕэ интэриэһинэй киирсиилэр буолуохтара. Кыайыылаахтар уонна призердар өйдөбүнньүк мэтээллэринэн, кырааматаларынан, куубактарынан уонна сыаналаах бириистэринэн наҕараадаланыахтара.

Бырагыраама:

От ыйын 14 күнэ

10.00-16.00 – Официальнай пристрелка;

15.00-18.00 – Мандат хамыыһыйатын үлэтэ.

От ыйын 15 күнэ

09.00 – Үөрүүлээх аһыллыы;

10.00 – Күрэхтэһиилэр саҕаланыылара. Сүрүн сиэрийэ «50 мишень»;

13.00-14.00 – Эбиэт;

14.00-17.00 – Салгыы күрэхтэһии. Сүрүн сиэрийэ «50 мишень».

От ыйын 16 күнэ

09.30 – Салгыы күрэхтэһии. Сүрүн сиэрийэ «50 мишень»;

13.00-14.00 – Эбиэт;

14.00-17.00 — Салгыы күрэхтэһии. Сүрүн сиэрийэ «50 мишень»;

18.00 – Кыайыылаахтары наҕараадалааһын.

sportyakutia.ru

Санааҕын суруй

Бүтэһик сонуннар