Киир

Киир

От ыйын 14-16 күннэригэр “Бэргэн” спортивнай ытыы кулуубугар эрэгийиэҥҥэ стендэ ытыытыгар уонна спортинг төрүттэммитэ  ХХ сылыгар аналлаах өрөспүүбүлүкэ спортиҥҥа чөмпүйэнээтэ буоларын туһунан суруйбуппут.

Күрэхтэһиигэ 10 муниципальнай тэриллииттэн уонна Дьокуускайтан барыта 65 спортсмен кытынна.

Тэрийээччилэр ыҥырыыларынан, чөмпүйэнээккэ Казахстан Акмолинскай уобалаһын судаарыстыбаннай мунньаҕын дьокутаата, Акмолинскай уобалас Стендэ ытыытыгар федерациятын бэрэсидьиэнэ Руслан Шамкенов ыалдьыттаата. Бырааттыы Казахстантан кэлбит ыалдьыт айаныттан олус астынна, сөхтө уонна дойдутугар ыалдьыттыы тиийэргэ ыҥырда.

Хамаанданан түмүккэ Ньурба улууһун хамаандата тэҥнээхтэрин булбата, ол кэннэ Дьокуускай хамаандата уонна Чурапчы улууһа таҕыстылар. Икки күннээх күрэхтэһии маннык түмүктэннэ:

А бөлөх

1. Дархан Федотов 2. Ариан Аммосов 3. Николай Кобяков

Б бөлөх

1. Андрей Кузьмин 2. Николай Местников 3. Николай Черкашин

С бөлөх

1. Олег Черкашин 2. Семен Сенин 3. Юрий Титович

Бэтэрээннэр, эр дьон

1. Николай Додохов 2. Александр Макаров 3. Николай Бурцев

Супер-бэтэрээннэр

1. Василий Карбаканов

Юниордар

1. Максимилиан Уаров 2. Уруйдаан Прокопьев

Дьахталлар

1. Нонна Миронова 2. Наталья Тарасова 3. Кэскил Дарбасова

Супер-финал

1. Николай Кобяков 2. Дархан Федотов 3. Николай Додохов

УФКиМС пресс-сулууспата

Санааҕын суруй

Бүтэһик сонуннар